डायबेटीस हा आजार आहे, आयुष्य नाही

होय, डायबेटीस हा एक आजार आहे, पण तो तुमचं संपूर्ण आयुष्य नाही.

डायबेटीस व्यवस्थापन म्हणजे फक्त "हे खा, ते खाऊ नका" एवढंच नाही. हे एक संपूर्ण जीवनशैलीचं व्यवस्थापन आहे ज्यात आहार, औषधं, व्यायाम, झोप, ताण कमी करणं आणि शिस्तबद्ध जीवन जगणं यांचा समावेश आहे.

तरीही, आपण बघतो की काही पोस्टमध्ये "गूळ खा, मध घ्या, फळं खा, भात खा" असं म्हटलं जातं आणि लगेच प्रश्न पडतो, "हे डायबेटीस असणाऱ्यांना चालेल का?" काही आरोग्यप्रेमी म्हणतात, "हे चुकीचं आहे, संशोधन दाखवा!"

माझं स्पष्ट मत:

डायबेटीस म्हणजे शिक्षा नाही. आवडता पदार्थ कधी कधी खाणं हा गुन्हा नाही. होय, डॉक्टरांचा सल्ला घेणं महत्त्वाचं आहे – पण एक चमचा मध, एक केळं, एखादा आंबा यामुळे डायबेटीसचा परिणाम उलटा होत नाही.

तुमच्या तब्येतीसाठी काय महत्त्वाचं आहे: - तुमचा दैनंदिन आहाराचा समतोल - औषधं वेळेवर घेणं - व्यायामाची सवय - झोप आणि ताण नियंत्रण - शिस्त

एक पदार्थ नाही, तर तुमच्या सवयी तुमचं भविष्य ठरवतात.

म्हणून डायबेटीस २४x७ मनात ठेवू नका. आरोग्यदायी, आनंदी आणि उत्पादक जीवन जगा. आवडीचा पदार्थ खाल्लात? मग चालायला जा, चांगली झोप घ्या, पुढचा आहार सांभाळा.

Discipline is Destiny!

डायबेटीस हा एक आजार आहे, आयुष्य नाही. जर तुम्ही आहार, व्यायाम, झोप आणि ताण यावर शिस्त ठेवली तर कधी कधी आवडीचे पदार्थ खाण्याने काही फरक पडत नाही. आरोग्यदायी आणि आनंदी जीवन जगा.

तुम्हीही या विचाराशी सहमत आहात का? "डायबेटीस आहे, आयुष्य नाही" हे शेअर करा आणि इतरांनाही प्रेरणा द्या.

डॉ. रवींद्र एल कुलकर्णी MD DNB FSCAI Cardiology Just For Hearts : Heal Thy Life